ஜாய், ஜாய் சிங்கபூர்

ரொம்ப நாள் ஆச்சு பதிவுலகம் பக்கம் வந்தே யாராவது என்ன காணோமின்னு
தேடினீங்களா?. இப்ப சிங்கபூர்ல இருக்கேன்.இங்கவந்துட்டு உங்க எல்லாருடனும்ஷேர் பண்ணிக்கலேன்னா எப்படி இல்லியா? அதான் வந்துட்டேன். நவம்பர் 23-ம்தேதி காலை8 மணிக்கு மும்பைலேந்து சிங்கப்பூர் ஃப்ளைட் இருந்தது. மும்பை தாணாவில் இருக்கும் மகன் வீட்லேந்து காலை 5-மணிக்கே கிளம்பி  ஏர் போர்ட் வந்தேன்.காலை   நேரம் ஆதலால் டிராபிக்ல மாட்டிக்காம 45- நிமிஷத்துல  வந்துட்டோம்.ஏர்போர்ட்டுக்குள்ள யாரும் வரமுடியாதே இல்லியா மகன் வெளிலேந்தே கிளமிபிட்டான். நான் லக்கேஜ் ட்ராலி எடுதுண்டு உள்ளே போனேன்.போர்டிங்க் பாஸ் வாங்கிண்டு லக்கேஜ் செக் இன் பண்ணிட்டு இமிக்ரேஷன் கௌண்டர்போனேன்.போர்டிங்க் பாஸ் வாங்கும் போதே விண்டோ ஸீட் கேட்டு வாங்கிண்டேன். தனியாவா போரிங்க யாரு அங்க இருக்காங்கன்னு பார்மல் கேள்வி பதில்கள்.

இமிக்ரேஷன் கௌண்டர் எங்கியோ ஒரு மூலேலெ இருந்தது. தேடிதேடி நடந்து போகவே 15- நிமிஷம் ஆச்சு. அங்க கிளியரன்ஸ் முடிசுட்டுசெக்யூரிட்டி
செக்கிங்கு இன்னொரு மூலை போயி அந்த பார்மாலிட்டில்லாம் முடிச்சுட்டு
 கேட் நம்பர் செக் பண்ணிண்டு போனேன். அது அண்டர்க்ரவுண்ட்ல ஒரு மூலேல இருந்தது. எஸ்கலேட்டர் இருந்தாலும் படிகள் வழியாகவே இறங்கிபோய் கேட் பக்கம் போனேன். நிறைய குஷன் சீட்ஸ் இருந்தது. நிறைய
டைம் இருந்தது. சும்ம உக்கார முடியல்லே. ஏர்போர்ட் சுத்தி வேடிக்கை பார்த்துக்கொண்டிருந்தேன். அடிக்கடி பார்த்த காட்சிகள்தான். எப்பவும் புதுசாவே தெரியுது நிறையா டியூட்டிஃப்ரீஷாப்ஸிருந்தது. காபிடே ல போயி ஒரு காபி குடிச்சேன்.காபி குடிச்ச பிறகு காசு கொடுத்தேன். மேடம்  ஏற்கனவே காசு கொடுதுட்டீங்க  என்று சொன்னான். நான் எப்ப கொடுத்தேன்.இல்லியேன்னேன். இல்லே மேடம் முதல்ல கூப்பன் கொடுத்திட்டுதான் காபியே சர்வ் பண்ணுவோம். ஸோ நீங்க பணம் கொடுதுடீங்கன்னு சொன்னான்.எனக்காக யாரு பணம் கொடுத்திருப்பாங்கன்னு ஒரே குழப்பம்.

 சரி காபி ஃப்ரீயா குடிச்சுட்டு மறுபடி கேட் பக்கம் போயி வெயிட்டிங்க்.
 7.30 போர்டிங்க். வரிசையா ப்ளேனுக்குள்ள போனோம்.பின்னாடி 22-ம் சீட் விண்டோ. இது இண்டிகோ ஃப்ளைட். அதாவது பட்ஜெட்ஃப்லைட். உள்ள சாப்பிட ஒன்னும் தரமாட்டாங்க. எதானும் வேனும்னா எக்ஸ்ட்ரா பனம் பே பண்ணி வாங்கிக்கனும். நான் வீட்லேந்து மேரி பிஸ்கெட் 4- கொண்டு வந்திருந்தேன். காபி குடிக்கும்போது பிஸ்கெட் எடுதுகிட்டு மெடிசினும் எடுத்துகிட்டேன். உள்ள எதும் வாங்கலே.குடிக்க தண்ணி மட்டும் தராங்க.
பொதுவா இண்டெர் நேஷனல் ஃப்ளைட்ல லாம் நம்ம சீட்டுக்கு முன் சீட் முதுகு பக்கம் சின்னதா ஒரு டி.வி. இருக்கும். படமோ, பாட்டோ, கேம்ஸோ எதுவேனாலும் பாத்துக்கலாம் . டைம் நல்லா போகும். இது பட்ஜெட் ஃப்ளைட்
ஸோ அதெல்லாம் ஏதும் இல்லே. 6 மணி நேரம் பொழுதைப்போக்கனுமே.கையில் எம். பி. 3, பென் நோட்புக், புக்ஸ் எல்லாம் வச்சிருந்தேன்.வழக்கம்போல டேக்  ஆஃப் ரசிக்க ஆரம்பித்தேன். வீட்ல குட்டி குழந்தைகள் தவழ  கத்துக்கும் போது முதலில் பின்னாடிதான் தவழும் யாரானும் கவனிச்சுருக்கீங்களா?அதுபோல ப்ளேன் கிலம்பினதும் முதலில் பின்னாடி 5  நிமிஷம் ஓடிட்டு அப்புரம்தான் முன்னாடி ஓட ஆரம்பிக்குது. எதைத்தான் எதுக்கு தான் உதாரனமா சொல்ரேன் இல்லியா?ரன்வேயில் ஃபுல் ஸ்பீடில் ஓடி டேக் ஆஃப் பாக்க எனக்கு ரொம்ப பிடிக்கும். பெரிய பெரிய பில்டிங்கெல்லாம் மெது மெதுவாக மினியேச்சர் சைசுக்கு மாரிகிட்டே போகும் இல்லியா? அதெல்லாம் ஒரு 15  நிமிஷ வேடிக்கைகள். பிறகு ஒரே மேக மண்டலம்தான்,. வேர ஏதுமே பாக்க முடியாது. 

	Tweet