கில்பி (ஆப்ரிக்கா) 2

காபில்லாம் குடிச்சு இன்னும் சில ஃப்ரெண்ட்ஸ்களை மீட் பண்ணினோம். அதில் ஒருவர் என்னிடம் ஆண்டி ஆப்ரிக்கா ல நீங்க இறங்கினதுமே என்ஃப்ரெண்ட் வந்து உங்களை எந்தபிரச்சனையும் இல்லாம வெளில கூட்டிண்டுபோவான்  நான் போன்பண்ணி அவனுக்கு விவரம் சொல்லிட்டேன். வேர யாரு கூப்பிட்டாலும் அவங்க கூட போகாதீங்கன்னு சொன்னான்.அவன் பேரு ராஜேஷ். ட்ராவல் எஞ்சாய் பண்ணுங்க ஹேப்பி ஜர்னி சொன்னான்.

 அவன் கேபின் உள்ளே கூட்டிண்டு போய் எல்லாம் சுற்றிக்காட்டினான். என் பெண் அம்மா டயம் ஆச்சு செக்யூரிட்டி செக்கின்னுக்கு போலாம் வான்னு. உள்ளே கூட்டிப்போனா. நம்மை நம் ஹேன்ட் பேக்கை எல்லாம் செக் பண்ணி உள்ளே அனுப்பினா. பெண்ணும் கூடவே இருந்ததால நான் எந்தவித டென்ஷனும் இல்லாம ஏர் போர்ட்டை ரசனை யுடன் சுத்திப்பார்த்தேன்.அண்டர் க்ரௌண்ட் ஃப்ளோரில் 11-ம் நம்பர்கேட்டில் ஏர் இண்டியா ஃப்ளைட் ரெடியாக இருந்தது. என் பெண் அதுவரையும் கூடவே இருந்தா. நான்ஃப்ளைட்டுக்குள் போனதும் அவள் கிளம்பி போனா.

                                   
 என் நம்பர் 18- A. ஏர்ஹோஸ்டஸ் என் சீட்டைக்காட்டினா.உள்ளே பர்த்ததும் எனக்கு ரொம்ப சங்கடமா இருந்தது. டொமஸ்டிக் ஃப்ளைட்லலாம் ரெண்டு விண்டோபக்கமும் 3, 3, சீட் இருக்கும் நடுவில் நாம நடக்க ஏர்ஹோஸ்டஸ் ட்ராலி தள்ளிண்டு வர தாராளமா இடம் இருக்கும். இண்டெர்னேஷனல்  ப்ளைட்டான இதில் ரெண்டு விண்டோ பக்கமும் ரெண்டு, ரெண்டு சீட்  நடுவால நாலு சீட்கள் என்று ஒரே நெருக்கடியாக சீட்கள். ஒரு சீட்டுக்கும் அடுத்த சீட்டுக்கும் இடைவெளி ரொம்பவேகம்மி காலை நீட்டவே முடியாம ஐயப்பா சாமி மாதிரி முட்டி மடக்கிண்டு உக்கார வேண்டி இருந்தது.எனக்கு ஆர்த்தரட்டீஸ் ப்ராப்லம் உண்டு. சேந்தாப்போல அரைமணி நேரம் காலை தொங்கப்போட்டுண்டு உக்காந்திருக்கவே முடியாது இடைக்கு இடை காலை நீட்டி மடக்கி ஏதானும் பண்ணினாதான் சரியா இருக்கும்.இங்க அதுக்கு வழியே இல்லியே. தவிர ஒத்தையடிப்பாதை போல ரெண்டுபுறமும் கொஞ்சூண்டு நடைபாதைதானிருந்தது.எதிராப்ல ஆள் வந்தா நடக்க ரொம்ப சிரமம்தான். ஏது இப்படி பண்ணறான்னு கோவமா வந்தது.இப்படியே 7- மணி நேரம் எப்படி ட்ராவல் பண்ணமுடியும்னு ரொம்ப கஷ்டமாஃபீல் ஆச்சு என்ன பண்ணமுடியும்? போறவா எல்லாரும் இப்படித்தானே போரா. நமக்கென்ன ஸ்பெஷலென்று சீட்டில் உக்காந்து வெளியே பார்த்தேன்.

 என்விண்டோ சீட்டுக்குகீழேதான் விங்க், அதாவது விமா

                                     
 னத்தின் இறக்கை நீளமா நீட்டிண்டுஇருந்து வெளியில் எதையுமே பாக்கமுடியாம சதி செய்தது 17, 18, 19, இந்த 3 சீட்கீழேயும் விங்க் எல்லாகாட்சிகளையும் மறைக்குது. முதல்லயே இது தெரிஞ்சிருந்தா வேர நம்பராவது கேட்டிருக்கலாமேன்னு நினைச்சேன். சரி வெளியேயும் ஒன்னும் பாக்க முடியாது உள்ளயும் ஒரே
  நெறிபடி. இந்த அவஸ்தைல எப்படி 7- மணி நேரம் ட்ராவல் பண்ணப்போரோம்னுஆச்சு. ஆப்ரிக்கா பயணம் சரியான பனிஷ்மெண்டா இருக்கும்போல இருக்கேன்னுமனசுபூரா என்ன பண்ணலாம்னு யோசனை.  அந்த ஃப்ளைட்ல நாமட்டும் தான் த்மிழ். பாக்கி எல்லாருமே வேறு, வேறு பாஷைக்காரா. நிறைய ஆப்ரிக்கன்ஸ் இருந்தா. என் பக்கது சீட்லயும் ஒரு ஆப்ரிக்கா பொண்ணுதான் உக்காந்தா.ஆரம்பகட்ட பார்மாலிட்டிஎல்லாம் முடிந்து சீட்பெல்ட் போட்டுண்டதும் மெதுவாக ப்ளேன் கிளம்பியது வெளில எதையுமே பாக்கமுடியல்லே.எதிர் சீட் முதுகுபக்கம் குட்டியூண்டா ஒரு டி. வி இருந்தது. ஹெட்போன் எல்லாமும் இருந்தது. அவ்வளவுகிட்ட எப்படி பாக்க்க? கண் வலி எடுக்கும்.ரன்வேயில் வேகம் எடுத்து மேலே கிளம்ப ஆரம்பித்தது.
   முதலில் எல்லாருக்கும் ஒரு குட்டி டர்கிஷ் நாப்கின் கொடுத்தா. அதை வன்னீரில் யூடிகோலான் போட்டு பிழிஞ்சு ஒரு ட்ரேயில் வரிசையா அடுக்கி கொண்டு தந்தா, அதை முகம், கழுத்து கைகளில் ஒத்தடம் கொடுப்பதுபோல ஒத்தி எடுக்க சொன்னா. அந்த ஏ, சி குளிருக்கு அந்த வென்னீர் ஒத்தடம் இதம்மா இருந்தது. கண்ணெல்லாம் நல்லா ஃப்ரெஷா ஆச்சு.  அப்புரமா
 எல்லாருக்கும் ஜூஸ் கொடுத்தா. ஆப்பிள் ஜூஸ் எனக்கு பிடிக்கலை டிஞ்சர் வாடை வந்ததுபோல இருந்தது. ஃப்ரெஷ் லெமன் ஜூஸ் இருந்தா

                                                      

கொடுங்கன்னு கேட்டேன். இதோ வரேன்னு போனா பொய்யே போயிட்டா திருமப வரவே இல்லே. கொஞ்ச நேரம் ஆனதும் ஒரு ஸ்டூவர்ட் என்னிடம் வந்து மேடம் ப்ளீஸ் கம் வித்மீ. என்றான் இன்னம் என்ன புதுசா பிரச்சனையோ எல்லாம் கரெக்டாதானே செக் எல்லாம் பண்ணிட்டு வந்தோம் . என்று அவன் பின்னாடி போனேன். மன்செல்லாம் திக் திக் தான். பாதி வழில இறக்கி விடப்போரானோன்னு அசட்டு நினைப்புவேர( ஹா, ஹா, ஹா)

 தெரியாத்தனமா இப்படிதனியா வந்து மாட்டிண்டோமே என்று கோவமா வந்தது. சரி என்னதான் நடக்கும் நடக்கட்டுமேன்னு அவன் பின்னால பலி ஆடு மாதிரி போனேன். வேர வழி. நான் பேசும் இங்க்லீஷ் தமிழ் மாதிரியே இருக்கும் அவாள்ளாம் பேசுர இங்க்லீஷ் நான் புரிஞ்சுக்கவே கொஞ்சம் டைம் எடுக்கும். யாருகூடயு ம் இங்க்லீஷில் பெசாததால எனக்கு பட்லர் இங்க்லீஷ்  தான்வரும். ஐயோ இவன் தனியாகூட்டிண்டுபோய் என்ன விசாரிக்கப்போரானோ தெரியல்லியே.என்று ஒரு பதை பதைப்புடனேதான் போனேன்.எல்லாரும் என்னையே முறைச்சுப்பாக்கராப்போலவே தோணித்து. உனக்கெல்லாம் எதுக்கு வெளி நாடு போகும் ஆசை என்று என்மேலயே கோவம் கண்ணை மூடிண்டு வந்தது.ஏர்போர்ட்டெல்லாம் சுத்திப்பாத்த குஷில்லாம் எங்கியோ காணாமலே போச்சு.

 ( நன்றி  கூள் இமேஜ்)                                                                 (தொடரும்)

	Tweet