காவலன் 2

காலை 8- மணிக்கு எழுந்த ரகு பின்புறம்போய் பல்தேய்த்துவிட்டு நேரே கிச்சன் போய் அம்மாவுக்கு குட்மார்னிங்க் சொன்னான். அம்மா சூடு சூடாக காபி கொடுத்தாள். குடித்துவிட்டு அம்மா நான் குளிச்சுட்டு வந்துடரேன்னு சொல்லி சோப்பு டப்பா, டவல் எடுத்துண்டு வெளியே போகும் போது அப்பா குளித்து சாமி ரூமில் பூஜையில் இருந்தார். ஆத்தங்கரை நோக்கி நடந்த ரகு தெருக்களைக்கடந்து வாய்க்கால் தாண்டி ஒத்தையடிப்பாதை வழியே ஆத்தங்கரை நோக்கி நடந்தான். முன்பெல்லாம் இருபுறமும் பச்சை பசேல்னு வயல்வெளிகள் கண்ணுக்கும் மனதுக்கும் பசுமையாக இருக்கும். இப்போது இருபுறமும் வயல் வெளியே கண்களில் தென்படாமல் எல்லா நிலங்களையும் ப்ளாட் போட்டு விற்று கட்டிடங்களாக எழும்பிக்கொண்டிருந்தன. வழிபூராவும்
 ஒரு ஈ காக்கை கூட இல்லாமல் வெ றிச்சோடி இருந்தது.

ஆற்றிலும் அங்கொன்றும் இங்கொன்றுமாக சிலர் துணி துவைத்துக்கொண்டுஇருந்தார்கள்.முன்னேல்லாம் ஆறு எத்தனைகலகலன்னு கூட்டம் நிறம்பி வழியும். இப்ப ஏன் இப்படி காலியா இருக்குன்னு நினைத்தவாரே நீச்சல் அடித்து ஆசை தீர முங்கிகுளித்து  வீடு நோக்கி நடந்தான். அப்பா பூஜையெல்லாம் முடிந்து வாசல் திண்ணையில்  பேப்பர்படித்துக்கொண்டிருந்தார்.இவனைக்கண்டதும் வாடா ராஜா நேத்து நைட்டே வந்தேன்னு அம்மா சொன்னா. ட்ரெஸ்மாத்திண்டு வா டிபன் சாப்பிடலாம் என்று உள்ளே போனார். இருவருக்கும் இலைபோட்டு சூடாக இட்லிபரிமாறினாள். அம்மா. மெத்துமெத்துனு இட்லி மிகவும் ருசியாக இருந்தது கூடவே சட்னியும். அம்மா நானும் எவ்வளவோ இடங்கள்ல இட்லி சாப்பிட்டு இருக்கேன் இதுபோல ருசியும் ஸாப்டாவும் இருந்ததே இல்லேம்மான்னு பாராட்டியவாரே திருப்தியாக சாப்பிட்டான். அவன் கை கழுவி வரும்போதே அவன் அப்பா சாப்பிட்டு முடித்து பெட் ரூம் போய் குறட்டைவிட்டு தூங்க ஆரம்பித்துவிடார்.சரி இரவு பூரா கண் முழிச்சிருக்காரே நன்னா தூங்கட்டும் என்று கிச்சனில் அம்மாவுடன் பேசப்போனான் அம்மா நீடிபன் சாப்பிட்டியான்னான். ஆச்சுடா ராஜா. என்று சமையலுக்கு காய் நறுக்க உக்காந்தாள். அம்மா என்ன சமையல் இன்னிக்கு என்றான். வாசல்ல கீரைக்காரி வந்தா, உனக்குதான் அரைக்கீரை மசியல்னா ரொம்ப ப்டிக்குமே அதுகூட வாழைக்காய் பொடிமாஸ், தக்காளி ரசம் சின்ன வெங்காயம் போட்டு சாம்பார் பண்ணப்போரேன். உனக்கு வேர என்ன வேணும்னு சொல்லு பண்ணிடரென்னா.ஐயோ அம்மா இதுவே அதிகம். நானும் உனக்கு ஹெல்ப் பன்ரேன்மாஎன்றான். எனக்கு என்னடா ஹெல்ப் அம்மா கஷ்ட்டப்படக்கூடாதுன்னு வீட்ல எல்லா சாமானும் வாங்கி தந்திருக்கியேதுளிகூட கரிபடியாம சமைக்க கேஸ் அடுப்பு அரைக்க கரைக்க மிக்சி க்ரைண்டர் ஃப்ரிட்ஜ், பொழுதுபோக டி.வி என்று பார்த்துபார்த்து வாங்கி தந்திருக்கே. வேலை, அதுவும் சமையல் வேலை என்ன கஷ்ட்டமா ராஜா நீ போய் ரெஸ்ட் எடுன்னா. இல்லேம்மா எனக்கு உன்கூடவே நாள்பூராவும் இருக்கனும்போல இருக்கு என்றான். அதுக்கென்ன இங்கியே ஒரு சேர்கொண்டுவந்து போட்டுண்டு உக்காண்டுக்கோ ஏதானும் பேசிண்டே இருக்கலாம். என்றாள் . நானும் தேங்கா துருவி தரேன்.வாழைக்காதுருவித்தரேன் வெங்காயம் உரிச்சுத்தரேன்மா என்று அவனும் அம்மாகூடவே சின்ன சின்ன வேலைகள் செய்தான்.அம்மாவுக்கு தன்
பிள்ளையை நினைத்து மனசுபூரா சந்தோஷம். இருவரும் பேசியவாரே சமையலை முடித்தார்கள்.ஒரு மணி ஆனதும் அப்பா எ ழுந்துவந்தார். அம்மா கூடத்தில் இரண்டு நுனி இலைகபோட்டு அப்பாவுக்கும் பிள்ளைக்கும் பரிமாறினாள். ரகு அம்மாவிடம், அம்மா நீயும் உக்காந்துக்கோ நாம மூனுபேருமே போட்டுண்டு சாப்பிடலாம் என்றான். இல்லெடா ராஜா நான் என்னிக்கு உன் அப்பாவுக்கு சமமா உக்காந்து சாப்பிட்டு இருக்கேன். அதுவும் வீட்டு புருஷாலுக்கு இடதுகையால் பரிமாறக்கூடாது. நீங்க முதல்ல சாப்பிடுங்கோ என்றாள். ஏம்மா இந்தபட்டிக்காடு பழக்கம்லாம் விடவே மாட்டியா என்று ரகு அலுத்துக்கொண்டான். அப்பாவும் மகனும் சாப்பிட்டு முடித்ததும் இலை எடுத்து அந்த இடம் சுத்தம் செய்தபின் அம்மா கிச்சனிலேயே இலை போட்டு தனக்கு பரிமாறிக்கொண்டாள். ரகுவும் கிச்சனுக்கு வந்து இன்னிக்கு உனக்கு நாந்தான் பரிமாறுவேன் என்று அடம் பிடித்து பரிமாறி அம்மாவை சாப்பிட வைத்தான். சாப்பாடு முடிந்து பாத்திரங்கள் ஒழித்து தொட்டி முற்றத்தில் கொண்டு போட்டு அடுப்பு சமையல் மேடை எல்லாம் அலம்பி துடைத்துவிட்டு மூவரும் முன் ஹாலில் அமர்ந்து பேச ஆரம்பித்தார்கள்.அப்பா இப்பதான் உங்க கூட பேசவே நேரம் கிடைச்சதுப்பா. என்றான். பேசுடா ராஜா வேலை எப்படி இருக்கு உடம்பு சவுரியமா இருக்கியா என்று அன்பும் பாசமுமாய் அவன் தலையைக்கோதியவாரே கேட்டார்.அப்பாவின் அன்பில் நெகிழ்ந்த ரகு நான் நன்னா இருக்கேன்பா. நீங்க ரெண்டு பேரும் எப்படிப்பா இருக்கேள்னு பாசம் பொங்க கேட்டான். எங்களுக்கென்ன குறைடா ராஜா . நீதான் கை நிறையா சம்பாத்தித்து எங்களுக்கு ராஜவாழ்க்கை கொடுத்திருக்கியே. நீ பக்கத்தில் இல்லையே என்பது தவிர வேறு குறை ஒன்னுமே இல்லை ராஜான்னார்.

	Tweet