மெட்ராஸ், நல்ல மெட்ராஸ்(10)

 மறு நாள் ஆடி மாசப்பிறப்பு.எங்க ஊரிலிருந்து சுமார் 10-கிலோ மீட்டர்தூரத்தில் பாவனாசம் என்னும் புண்ணிய ஷேத்திரம் இருந்தது, அங்குபோய் குளித்து ஸ்வாமிதரிசனம் செய்தால் நாம் பண்ணிய பாவங்கள் எல்லாம் விலகி விடும்னு ஒரு நம்பிக்கை எல்லாருக்கும் உண்டு.காலை 6-மணிக்கு கால் டாக்சி கூப்பிட்டு நாங்க 4-பேரும் பாவனாசம் கிளம்பினோம். வழக்கம்போல சுகமான காலைப்பயணம். 15- நிமிஷத்தில் பாவனாசம் போய்ச்சேர்ந்தோம். அன்று ஆடி மாசப்பிறப்பென்று கொஞ்சம் நிரைய கூட்டம் இருந்தது. 30, 40 படிகள் கீழே இறங்கி ஆத்தங்கரை போக வேண்டி இருந்தது. ஆனா இங்கே படிகள் சரியான வரிசையில் இருந்ததால் ஈசியா இறங்கினோம். ஆறு நிற்ம்பி தண்ணீர் நிறைய சல சலன்னு ஓடிக்கொண்டிருந்தது. சுகமா சாரலும் கூட இருந்தது. தண்ணீரைப்பார்த்ததுமே நீச்சல் அடிக்கதான் தோனிச்சு. தண்ணீரில் காலைவைத்தது, ஐஸ்போல ஜில்லுனு இருந்தது. அதுக்கும் மேல கருப்பு கருப்பா பெரிசு பெரிசா மீன்களின்கூட்டம் இருந்தது,  அந்த பெரிய மீன்களைப்பார்த்ததும் தண்ணீரில் இறங்க வே பயம்மா இருந்தது. அத்தை மேலே போயி ஒருகடையில் இருந்து ரெண்டு பாக்கெட்பொரிகடலைவாங்கி வந்து ஆற்றின் நடுப்பகுதிதண்ணிரில்வீசிப்போட்டா.எல்லாமீனும் அந்த்ப்பக்கம் ஓடிப்போச்சு.அப்புரமா நாங்க் தண்ணீரில் இறங்கிஆசை தீர நீச்சல் அடித்து நிறையமுங்கி நன்றாககுளித்தோம். கரை ஏறவேமனசில்லாம ஏறிப்போயி ட்ரெஸ் மாத்திண்டு கோவில் போனோம். பாவனாசர்சாமி. பட்டரிடம் இந்தசாமி சிவந்தானேன்னு கேட்டோம்.இது கைலாச லிங்கம்,கல்யாண லிங்க்ம்,பரஞ்ஞோதி லிங்கம் மூனும் சேர்ந்து இங்க பாவனாசலிங்கமா தரிசனம் தரார்னு சொன்னார் உலகம்மன் சன்னிதிபாலசுப்ரமன்யர் சன்னதி வினாயகர்சன்ந்தி எல்லாம் போய் கண்குளிர தரிசன்ம் செய்தோம். இந்தக்கோவிலும் நல்ல பெரிசா இருக்கு. நல்லபராம்ரிக்கராங்க. சுத்தமாகவும் இருக்கு.



 அங்கேந்து கிள்ம்பி 10 நிமிடத்தில் கல்லிடை. அங்கும் தெருவுக்கு தெரு ஒரு கோவில் கட்டி வச்சிருக்கா. வீரப்புர, சாய்பாப, பிள்ளயார்கோவில்,ராமசந்திரபுரம் ராமர்சீதா, சங்க்ரமடம் தொந்திவிளாகம் தெரு பிள்ளையார் என்று எல்லா சாமிகளின் தரிசனம் முடிந்து வீடுபோனோம். முன்னேல்லாம் மொத்தமா 18 தெருதான் இருந்தது.  இப்ப நிரைய குட்டி குட்டி தெருக்கள் எல்லாம் வந்திருக்கு. போக்குவரத்துக்கு ரெட்டை காளைமாட்டு வண்டி ஒத்தைக்காளைமாட்டுவண்டி மட்டும்தான் உண்டு.அதில் சக்கரத்தில் இரும்பு பூண் போட்டிருப்பா அது சரல் நிறம்பிய கப்பி ரோட்டில் ஓடும்போது கர கரன்னுசத்தம்போட்டு நம்ம பல்லும் கடிக்கரமாதிரியே ஆகும். மாட்டு கழுத்தில் கட்டியிருக்கும் மணிகள்குலுங்க கேட்கும் சப்தம் சங்கீதமாக ஒலிக்கும்.கூண்ட்வண்டி மேடு பள்ளம் வரும்போது தலையை முட்டீப்போம். அதெல்லாம் இப்போ பாக்கவே கிடைக்கலை.திரும்பின பக்கமெல்லாம் ஆட்டோவும் கால் டாக்சியுமாதான் இருக்கு.

 காலத்துக்கு ஏற்ப எல்லாமே மாறித்தானே ஆகனும். எனக்கு எங்க ஊரில் கிடைக்கும் கெட்டி வாழைக்கா பழம் ரொம்ப பிடிக்கும் அது திங்கவே டைம் கிடைக்கலே. வீட்டில் சூடாக ப்ரேக்ஃபாஸ்ட் இட்லிசட்னி சாம்பார் நான் பொடி எண்ணை. அதுமுடிந்து அன்று சிவன்கோவிலில் மண்டல அபிஷேகம் ஆராதனைக்கு ஏற்பாடுகள் செய்திருந்தோம். 50- வருடங்கள் முன்பு என் (அப்பாவின் அப்பா) தாத்தாதான் சிவன் கோவில் டிரஸ்டியா இருந்தார் அவர் பெயரை அங்கு கோவிலின் முகப்பில் கல்வெல்ட்டில் செதுக்கி வச்சிருந்தா. பாக்கவே மனசெல்லாம் பூரிப்பு. இப்போ அந்தக்கோவிலில் கும்பாபிஷேகம் பண்ணி இருந்தா. அங்கபோயி பூஜைகள் அபிஷேகம் எல்லாம் கலந்துண்டோம். எல்லாம் சிறப்பாக நடந்தது. வீட்டுக்கு வரும்போது 12 மணி ஆச்சு லஞ்ச் சாப்பிட வாங்கோனு கூப்பிட்டா.அதுக்குள்ளவான்னு தோனித்து. டைனிங்க் ருமில் கீழெ 10 இலை போட்டு வடை பாயசம்  பச்சடி பொரியல் அவியல்னு விருந்து சாப்பாடு பரி மாறி இருந்தார்கள்.மத்தவா எல்லாருமே கீழே ஜம்முனு சப்பளாம் மூட்டிண்டு சாப்பிட உக்காந்தா. நான்மட்டும் அவர்களை ஏக்கமாக பாத்துண்டே டைனிங்க்டேபிள்ள இலைபோட்டு சாப்பிட்டேன்.எனக்கும் அவாளை மாதிரி கீழ உக்காரமுடியாம இருக்கேன்னு கோவமா வந்தது. முட்டி மடக்கவே முடியாது. கஷ்ட்டம் இல்லியா?

 ஒவ்வுரு காய்களிலும் கிராம்த்து இயற்கையான ருசி தெரிந்தது நல்ல.சாப்பாடு நான் எப்பவுமே ரசம் சாதத்தில் போட்டு சாப்பிட மாட்டேன் கப்பில் வாங்கி குடிக்கத்தான் பிடிக்கும். நல்ல டேஸ்ட்டா இருந்தது எல்லா ஐட்டமுமே. நாலுபேருடன் சேர்ந்து சாப்பிடும்போது ஒரு கைப்பிடி சாதம் கூடவே சாப்பிடமுடியுது. வருந்தி வருந்தி உபசாரமும் பண்ணராளா தட்டவேமுடியமாட்டரது. ஓவர் ஈட்டிங்க் ஆகுது.  வாழை இலையில் சாப்பிடவும் எனக்கு ரொம்பவே பிடிக்கும்.  எங்க நெருங்கிய சொந்தக்கார ஒருவர் அங்கு ஒரு ஆசிரமம் நடத்தி வரார். அங்க கூப்பிட்டார். போனோம் அந்த ஆசிரமம் ரயில்வேஸ்டேஷன் தாண்டி இருந்தது.

	Tweet