பூணூல்

          ஒவ்வொருவருக்கும் அவர்கள் குடும்ப கோத்திரம் என்று ஒன்று உண்டு. கோத்திரம் என்பது இவர்கள் எந்த முனிவருடைய வழியில் வந்தவர்கள் என்பதைக்குறிக்கும். இந்துக்கள் எல்லோருமெ ரிஷி பரம்பரையினர் என்று கூறப்படுவதால் ஒவ்வொரு குடும்பத்திற்கும் ஒரு கோத்திரம் உண்டு தினசரி காலை பூஜையின் போது தங்கள் கோத்திர முனிவருடைய வணக்கத்தையும் செய்வது நல்லது. இதனால் கோத்திரம் தொடர்பு விட்டுப்போகாமல் இருக்கும்..                                 

 முதல் நாள் இரவு தாம்பூல பையில் முறுக்கு, லட்டு தேங்காய், வெற்றிலை பாக்கு பழம் மஞ்சள் குங்குமம் எல்லாம் போட்டு ரெடிபண்ணவே இரவு 12 மணி ஆனது. ரொம்ப நாட்கள் கழித்து ரொம்ப நாட்கள் கழித்து குழந்தைகள் எல்லோரும் சந்திப்பதால் பேசி பேசி தூங்கவே இல்லே. காலை 3- மணிக்கே எழுந்து ஒவ்வொருவராக குளித்து ரெடி ஆகி ஹால் போகும்போது 5- மணி ஆச்சு. நாங்க போய்ச்சேரும் முன்பே வாத்யார்கள் வந்து பூஜைக்கு தேவையான வற்றை ரெடி செய்து வைத்திருந்தார்கள். 7.30- க்கு முஹூர்த்த நேரம் அனதால் அதற்கு மு7ன்பு செய்ய வேண்டிய சில அனுஷ்டானங்கள் செய்தார்கள்.

முன்னெல்லாம் குடுமி வைப்பது வழக்கமாக இருந்தது. இப்ப கால்த்துக்கு தகுந்தாப்போல முன் உச்சியில் லேசாக முடி வெட்டினார்கள்.ஒவ்வொரு சம்பிரதாயத்துக்கும் ஒவ்வொரு அர்த்தம் காரணம் எல்லாம் இருக்குதான் சொல்லவும் கேக்கவும்தான் யாருக்கும் பொறுமை இருக்கறதில்லே.வைதீக சம்பிரதாயங்கள் எதிலும் குறையிருக்க கூடாதுன்னு எல்லாம் முறைப்படி பண்ணினோம்.குழந்தைகளை பால பருவத்துலேந்து பிரம்மச்சாரி பருவத்துக்கு மாற்றுவதுதான் இந்த பூணூல் சடங்கின் முக்கியத்துவம்.

 வாத்யார் ஒன்னொன்னா சொல்லிக்கொடுக்க குழந்தையும் பொறுமையாக எல்லாம் செய்துவந்தான்.சின்ன வயசுதானே பாக்கவே நல்லா இருந்தது.

 காலை 6 மணிக்கே இன்னொரு பிரும்மச்சாரி பையனுடன் பூணூல் குழந்தைக்கும் குமார போஜனம் என்று விருந்து வைப்பார்கள். அவ்வளவு அதிகாலையில் சாப்பிட்டு பழக்கமில்லாததால ரொம்ப திணறி போயிட்டான் குழந்தை.வாழை இலை முழுக்க சாப்பாடு பார்த்ததுமே அவனுக்கு வயிறு ஃபுல் ஆயிடுத்து என்கிரான். ஹா ஹா.

 அதன் பிறகு முறையாக மந்திர உபதேசங்கள் சொல்லி பூணூல் போட்டார்கள்.

குழந்தையின் தாய் மாமா தோள்தூக்கிண்டு வரணுமாம். பட்டு வேஷ்ட்டி வழுக்கி விழவெக்கத்துடன் தோளில் சவாரி செய்து  மண்டபத்துக்கு  கூட்டி வந்தார்கள்.

பிறகு பிரும்மோபதேசம் நடந்தது. காயத்ரி மந்திரம் சொல்லிக்கொடுக்கப்பட்டது.

 பிரும்மச்சாரி குழந்தைகளுக்கு தினசரி கடைப்பிடிக்கவேண்டிய பழக்கவழக்கங்கள் சொல்லப்பட்டது. மூன்று வேளையும் காயத்ரி மந்திரம் ஜபிக்கவும், மூன்று வேளை உணவு உண்ணும் முன்பு, சந்தியாவந்தனம், மாத்யானியம் என்று எப்படி செய்யவேண்டும் என்று சொல்லிக்கொடுக்கப்பட்டது.

அதுபோல தினசரி உணவு பிட்ஷை எடுத்துதான் சாப்பிடவேண்டும் என்பதை உணர்த்தும் விதமாக பவதி பிக்‌ஷாந்தேஹி என்று சொல்லி எல்லாரிடமும் பிட்க்‌ஷரிசி தானம் வாங்கி அவர்களை நமஸ்கரித்து ஆசி வாங்க வேண்டும்.

 எல்லாம் நல்லபடியாக நடந்து முடிந்தது. காலை பிரேக் ஃபாஸ்ட், மதிய விருந்து எல்லாருக்கும் அளித்து தாபூல பையும் கொடுத்து மறியாதை செய்தோம். நிகழ்ச்சி நிறைவாக நடந்தேறியது. நம் பதி உலக சினேகிதிகள் அமைதிச்சாரலும், ஜெயஸ்ரீ அவர்களும் வந்திருந்தார்கள் ரொம்ப சந்தோஷமாக இருந்தது.

	Tweet