1960- ல் தீபாவளி (தலைதீபாவளி)

 தலைதீபாவளி கல்லிடைக்குறிச்சியில்தான் கொண்டாடினோம். கல்யாணம் ஆகி 6-வது மாசமே தீபாவளி வந்தது.பூனாவிலிருந்து நான்
 கணவர், மாமியார், மாமனார், மாமியாரின் அப்பா என ஐவரும் கிளம்பி
 கல்லிடை போனோம். எங்கதாத்தா அஞ்சு பேருக்கும் பர்ஸ்ட் க்ளாசில்
 டிக்கட் எடுத்துதந்தாங்க. பூனா டு மெட்ராஸ் ஒன்னரை நாள் ஆகும் மெட்ராஸ்டு திருனவேலி ஒன்னரை நாள் ஆகும். திருனவேலி டு கல்லிட
 பாசஞ்சர்தான்.புகுந்த வீட்டில் வெளியில் எதுவும் வாங்கி சாப்பிட மாட்டாங்க. வீட்லேந்தே (பத்தில்லாம) சப்பாத்தி, பூரி,சட்னி,அவல் வெல்லம் கலந்து என்று மூனு  நாளுக்கு தேவையான உணவுகள் தயார் செய்து எடுத்துக்கனும். அது தவிர ரெண்டு ப்ளாஸ்க் நிறைய  சூடுதண்ணி கொதிக்க கொதிக்க எடுத்துண்டு பால் பவுடர், ப்ரூ காபி பொடி ஜீனி எல்லாமும் தனியே எடுதுப்போம் இடையில் கொறிக்க கொஞ்சம் டிட்பிட்ஸ் எல்லாமும் உண்டு.
அந்தக்கால பர்ஸ்ட்க்ளாஸ் கம்பார்ட்மெண்ட் எல்லாம் தனி ரூம்போல விஸ்தாரமா இருக்கும் அட்டாச்டு பாத்தும் இருக்கும்.


 ஒருவாரம் முன்பே ஊர்போனோம். எங்க வீடு கூட்டுக்குடும்பம். வீடு நிறைய மனுஷா இருப்பா எப்பவுமே. இப்ப பண்டிகை நாள். கேக்கவே வாண்டாம். பட்சணங்கள் பண்ணஎன்று அக்கம்பக்கத்தில் உள்ளவங்க தூரத்து சொந்தங்க எல்லாரும் எங்க வீட்டில் இரு ந்தாங்க. அதுவும் தலை தீபாவளி இல்லியா. 4-ஸ்வீட்ஸ், 4-காரம் என்று அமர்க்கள்மா தயார்பண்ண வீட்டின் கொல்லைப்புறமாக 4 கோட்டைஅடுப்புதோண்டிபட்சண ஏற்பாடுகள் எல்லாம் அமர்க்களமா பண்ணிட்டு இருந்தாங்க.வந்தவங்க எல்லாருக்குமே நம்ம வீட்லதான் விருந்து சாப்பாடு ரெடிபண்ணூவாங்க.பந்தி பந்தியா சாப்பாடு, டிபன் எல்லாமே ஒருபக்கமா ரெடி ஆகும்.சிரிப்பு கேலி என்று கல்யாணகல,கலப்புதான் வீடுபூராவும்.

பெண்ணு மாப்பிள்ளைக்கு பட்டுத்துணிமணிகள், சம்பந்திக்காரங்களுக்கு துணிமணிகள் எல்லாம் எடுத்திருந்தாங்க. சிவகாசி போயி ஒரு வெடி கடையே கொண்டுவந்துட்டாங்க.ஒருவாரம் முன்பிருந்தே எங்க தெரிவில் வேர யாரு வீட்லயும் சமைக்கவே மாட்டாங்க எல்லாருக்குமே எங்க வீட்லதான் சாப்பாடு.தாத்தாவுக்கு நான் முதல் பேத்தி அதனால ரொம்ப பிரியம் பாத்துப்பாத்து ஒன்னொன்னும் செய்தாங்க.கொல்லைப்புறம் ஒரு ரூம்கட்டி நகை பண்ணற ஆசாரியையும் வீட்டுக்கே வரவச்சு வைர மோதிரம் அட்டிகைன்னு பண்ணீனாங்க.வீட்லயே பசு எருமை எல்லாம் இருந்ததால சுத்தமான நெய்யில்தான் எல்லா பலகாரங்களும் பண்ணீனாங்க. வாசனை எங்க தெருபூராவும் மணக்கும்.


 தீபாவளிக்கு முத நா இரவே வீட்டுவாசலில் 4-கோட்டை அடுப்புதோண்டி  சாணிபோட்டு மெழுகி அடுப்பின்மேல் கோலம்லாம் போட்டு வென்னீர் தவலையில் தண்ணீர்பிடிச்சு வச்சாங்க. தவலைன்னா 30, 40 லிட்டர் கொள்ளும் ஒவ்வொரு தவலையும். 3 மணிக்கு முதல்ல தாத்தா தான் எழுந்து வென்னீர் அடுப்பை பத்தவைப்பாங்க. அப்புரம் ஒரு சரவெடி கொளுத்திபோட்டு ஒவ்வொருவரையா எழுப்பி சாமி ரூம்ல உக்காரவைப்பாங்க. முத நா இரவே சாமிரூம் பெருக்கிமெழுகி புது துணிகள் பட்சணங்கள் காய்ச்சின எண்ணை சீக்காபொடி லேகியம் வெடிகள் எல்லாமே சாமி பட்ம் முன்பு ரெடியா வச்சுடுவாங்க.தாத்தாதான் ஒவ்வொருவருக்கா எண்ணைதேய்த்து விடுவாங்க. வாசலில் ஒவ்வொருவரையும் பலகையில் உக்கார வச்சு இதமா வென்னீர் விளாவி குளிப்பாட்டி விட 5- வேலைக்காரங்க ரெடியா நிப்பாங்க.தெரிவில் உள்ள எல்லாருமே அன்னிக்கு எங்க வீட்டில் தான் தீபாவளி கொண்டாடுவாங்க ஒவ்வொருவராகுளித்துவந்ததும் ஒவ்வொருவருக்காபுது துணி கொடுப்பாங்க. நம்ஸ்காரம் பண்ணி துணீ போட்டுண்டு பெரியவங்க காலில் விழுந்து ஆசீர்வாதம் வாங்கிப்போம்.

 சமையலுக்கும் ஆட்கள் இருப்பாங்க காலைப்பலகாரம் ரெடி ஆயிட்டு இருக்கும்.இட்லி சட்னி சாம்பார் பட்சணங்களுடன் ஹெவியா காலைப்பலகாரம் எல்லாரும் சேர்ந்து உக்காந்து அரட்டை அடிச்சுட்டே சாப்பிடுவோம். பிறகு லேகியம்தருவாங்க. பிறகு பட்டாசு. தெருவே அதிரும் வெடி சத்ததில்.எல்லார்முகங்களிலும் சந்தோஷச்சிரிப்புதானிருக்கும்.
என் வீட்டுக்காரர் எனக்குஒரு காஞ்சீபுரம் பட்டு சாரி ஸ்கைப்ளூ கலரில்
 தங்கத்தில்காசுமாலை தந்தாங்க. கல்யாணத்துக்குப்போட்ட 50-பவுன் நகை கூட இந்தகாசுமாலையும் கழுத்தில் கனமாக இருந்தது.தலை நிறைய மல்லி, கனகாம்பரம் சேர்த்துகட்டிய பூக்களின் பாரம் வேறு.13-வயசுக்கு இந்தபாரம்லாம் கொஞ்சம் அதிகம் இல்லியா?எல்லாருமா சேர்ந்து பக்கத்தில் உள்ள கோவிகளுக்கு போய்வருவோம். தெரிந்தவர்கள் வீடுபோய் பட்சணங்கள் கொடுத்துவருவோம். காலை டிபனே வயிறு ஃபுல்லா இருக்கும் போகும் இடங்களிலும் எதையாவது சாப்பிட கொடுதுண்டே இருப்பா.  வீடுவந்தா லஞ்ச் ரெடியா இருக்கும் ஐயோ பசிக்காம எப்படி சாப்பிட? அதுவும் வடை பாயசத்துடன் விருந்து சாப்பாடுவேறு.


வீட்டு பெரியவங்க எங்க ரெண்டு பேரையும் கேலி செய்தே ஒரு வழி பண்ணீடுவாங்க.சிரித்து சிரித்தேபாதி வயிறு ரொம்பிடும் என்கையால ஒரே ஒரு கரண்டி பாயசம் போட்டுக்கோன்னு அன்புத்தொல்லைகள் வேர. சாப்பிட்டு முடிந்ததும் எங்க ஊரிலேந்து3-கிலோமீட்டர்தள்ளி அம்பாசமுத்ரம்னு ஒரு ஊரில் ஒரே ஒரு தியேட்டர் உண்டு கிருஷ்னா டாக்கீஸ். தீபாவளிக்கு புதுபடம் ரிலீஸ்பண்ணூவாங்க. தாத்தா எங்க ரெண்டு பேரையும் சினிமாபோயிட்டுவாங்க வண்டி கட்ட சொல்ரேன்னார். மாட்டுவண்டிதாங்க. சரின்னு வண்டில ஏற்ப்போனா அங்க எந்தம்பி, தங்கைக, சொந்தக்காரக்குழந்தைகன்னு 15 வாண்டுகள் ஏற்கனவே ஏறி உக்காந்திருந்தாங்க. இவரு என்னைப்பாத்து முறைக்கிரார். என்னடி இது தனியா நீயும் நானும் மட்டும் ஜாலியா சினிமாபோலாம்னு பாத்தா இவ்வளவுபேர்கூடவாபோகனும் என்கிரார். எனக்கா சிரிப்பாவருது.

வேர வழி இல்லே போனோம். படத்தில் குழந்தைக பண்ணின லூட்டியில் இவர் பயந்தேபோனார். இடை இடையே முருக்கு கடலைமிட்டாய் கலர் வேனும்னு ஒவ்வொன்னும் கோரசா அடம் பிடிக்குது படம் எங்க பாக்க விட்டாங்க?இனிமேல உங்க ஊருல படம் பாக்கவே கிளம்பமாட்டேன்மா என்கிரார் என்கணவர். இரவும் அந்த ஊரே அதிரும்படி எல்லாரும் வாணவேடிக்க நடத்தினோம்.இரவும் விருந்துதான். கூட ஒருவாரம் ஊரில் இருந்து விட்டு பூனா கிளம்பினோம்.

	Tweet